Nang sumunod na araw ay nagulat kami dahil sa pagdating ng mga hindi inaasahang bisita – ang mga magulang ni Dominic. Hindi ko rin alam kung paano nila nalamang naririto ako, ngunit nagmakaawa sila na makausap ako. Hindi nga lang pumayag si Marco na mag-isa lang ako na kakausapin nila.
Ang mga magulang ni Dominic ay parehong mga doktor pero nag-retire na ang mga ito dahil sa katandaan. Si Dominic din ang bunso sa magkakapatid at lahat sila ay pare-parehong mga tanyag at kilala sa kani-kaniyang mga larangan.
“Sabihin ni’yo na agad kung ano ang kailangan ninyo at umalis na kayo rito,” maawtoridad na pahayag ni Marco kaya medyo napasinghap ako. Maging ang Mommy niya ay tila kinabahan sa tono niya. Iyong mag-asawa naman ay nagkatinginan at lalong lumungkot ang mga mukha.
“Hindi namin kinuku
