Pagdating nila sa bahay, wala silang kibuan. Tahimik at seryoso ang mukha ni Gavin. Hindi niya maintindihan kung bakit. May nagawa ba siya? May nasabi ba siya? Bakit tila nawala ito sa mood?
Nagpasiya na siyang magtuloy sa silid para magpahinga. Napagod din naman siya, kahit papaano.
Pumasok siya sa banyo at muling nagbabad sa bathtub. Gusto niya ang pakiramdam ng pagbababad. Nakaka-relax at gumagaan ang pakiramdam.
Sinulyapan niya ang pinto, umaasang papasok muli si Gavin at gagawin ulit ang ginawa nila sa loob ng banyo. Hindi niya ni-lock ang pinto para kay Gavin.
Dinampot niya ang cellphone sa gilid ng mesa habang nakababad ang katawan sa maligamgam na tubig na nilagyan niya ng rose bath. Kailangan niyang malaman kung sino si Gavin Saavedra. Alam niyang ang isang elite na tulad n
