AODIE
NAKATINGIN lang ako sa labas ng bintana ng kotse. Wala akong ganang magtanong kay Cold kung saan kami pupunta.
Sobrang lungkot ko dahil isa na namang malapit sa akin ang nawala. Si Benjie na itinuring ko na kapatid at best friend nawala at ang pumatay sa kan’ya ay lalaking itinuring ko ding kaibigan.
Siya pala ang traydor! Ang hayop na iyon!
“Alam mong si Gio ang traydor! Siya ang may gawa ng mga gulo sa mansyon pati na sa pagkamatay ni lolo! Bakit hindi mo ginawa ang dapat gawin? Bakit hindi mo sinabi at hinayaan lang siya? Bakit, Cold?” umiiyak na tanong ko kay Cold na tahimik na nagmamaneho ng sasakyan na pinalitan namin kanina.
Wala akong narinig na kahit anong sagot sa kan’ya kaya naman hinarap ko ito. Nakita ko na may higpit ang hawak niya sa manibela na para bang masisira
