Nagpaalam sa akin si Henry sa dalawang araw siyang hindi muna magpapakita dahil paalis na si Cass. Despedida at ang mismong flight nito. Pumayag ako para wala nang away. Iintindihin ko na lang ang sitwasyon tutal sa akin naman si Henry at sinisiguro nya iyon sa akin.
“Pambihira naman. Pinayagan na nga wala man lang text at paramdam. Magpakasaya ka na Cass at huling araw mo na ‘to at babawiin ko na ang akin.”
Hindi ko na ininis ang sarili ko at nagbasa na lang sa kwarto ko ng mga romance novels. Naaliw ako at nawala ang pag-iisip ko tungkol ko kay Eri. Maya- maya lang ay nagring ang phone ko. Naputol ang pagbabasa ko at nakaramdam ako ng konting inis kahit si Eri pa ang nasa kabilang linya. Nabitin kasi ako sa pagbabasa.
“Hello! Hows the party? Mukhang enjoy ka ha,” bati ko sa kanya na m
