“BAKIT mo naman naisipang bumalik sa Clifford? Samantalang karamihan sa mga kasamahan mo ay gustong-gusto rito sa SGC. I don’t understand, Armea.”
Nakagat ko ang aking ibabang labi. Halatang may disgusto si Ma’am Marissa sa hiling kong bumalik sa Clifford. Nagtatlong linya ang kanyang noo nang sabihin ko sa kanya ang pakay ko. Pumasok pa ako nang maaga kanina para lang makausap siya.
“Kasi po mas malapit ang Clifford sa apartment. Medyo nahihirapan po kasi ako sa biyahe,” palusot ko. Kagabi ko pa pinag-isipan ang sasabihin ko sa kanya pero tanging iyon lang ang nakikita kong dahilan. Totoo naman kasi ang sinabi niyang mas may advantage sa amin ang malipat dito sa SGC, but not in my case.
“Paanong nahirapan, e sa pagkakaalam ko nga ay dalawang sakay ka galing Clifford pauwi ng apartmen
