NAGMAMADALI akong bumaba ng dyip saka umakyat sa overpass para makatawid sa entrance ng mall. Nag-text kasi si Yuri na iyak nang iyak si Orion at hindi niya mapatahan kaya inilabas niya na lang ng apartment.
Agad ko silang nakita sa play station ng mga bata. Nanakbo ako papunta roon.
“Buti nandito ka na. Naku ‘yang anak mo, nakita lang ang picture mo sa tabi ng T.V bigla na lang umiyak at hinahanap ka bigla. Hindi na tumahan. Kinabahan nga ako baka kabagan siya sa kaiiyak.”
Napabuntonghininga ako. Halatang kagagaling nga lang sa iyak ni Orion dahil namumula pa ang kanyang ilong at ilalim ng kanyang mga mata. Maging si Yuri ay halatang hindi man lang nakapagsuklay. Kinuha ko ang towel sa kanyang balikat saka tinawag si Orion.
“Baby?”
Nang marinig niya ang boses ko ay agad na nag-an
