Krysta
Hanggang ngayon ramdam ko pa rin iyong mainit na yakap at halik sa akin ni Xander. Hindi ako makapaniwala na nangyari iyon sa mismong banyo pa ng mga babae. Oh god, paano na lang kung walang kumatok kanina sigurado ako na baka doon na kami nagtalik ni Xander. Ipinangako ko pa man din sa aking sarili na hinding-hindi ko ibibigay ang aking bataan hanggat hindi ako kinakasal.
Magkahiwalay kaming bumalik sa aming opisina at binabagalan ko ang maglakad dahil hanggang ngayon ay anumang oras ay baka matumba na lang ako sa daan at baka hindi na makatayo pa. Pagbalik ko sa opisina ay laking pasasalamat ko nang makaupo na ako at naglabas ng hangin sabay napasandal sa aking upuan.
“Hoy!” agaw pansin ni Linda sa akin. “Bakit naman kung makapabuntong-hininga ka parang mawawala na lahat ng ha
