Kagaya ng mga nakaraang araw, busy na naman sila ni Maggy. Ngunit ngayong araw tila masama talaga ang pakiramdam ni Maggy. Kaya tinanong niya ito kung ayos lang ba ito. “Sis, uuwi ako mamaya kina tatay. Okay ka lang ba rito?” nag-aalalang tanong niya sa kaibigan. “Oo naman sis. Uuwi rin naman si Xandrie mamaya. Dito raw sila matutulog ni Brix eh,” sagot naman nito sa kaniya. “Okay po,” nakangiting sagot naman niya rito. Pero talagang nag-aalala siya sa kalagayan nito. Bigla itong napatayo at tumakbo sa kusina. Agad naman niyang sinundan si Maggy at hinagod ang likod ng kaibigan. Nang maayos na ito, ay pinaupo niya ito sa upuang malapit sa mesa. “Ate, okay ka lang ba talaga? Magpatingin ka na kaya?” nag-aalalang tanong niya rito. “Okay lang ako,” nanghihinang sabi nito
