Chapter 53
Valerio
Napangiti na lang ako sa sinabi ni Ashley, alam ko naman kung sino ang tinutukoy niya sa sinabi niyang iyon. Ayos lang naman, may kinapuntahan din naman ang lahat, wala na si Dion sa pilipinas at bago naman siya umalis ay nagkausap kami at nag-sorry siya sa akin. Ngayon ang isa na lang sa iniisip ko ay si konsehal, sana lang ay huwag siyang maghigpit sa akin kay mama, dahil sa nangyari kaninang sagutan nila ni Theo at ni Sancho.
Kinakabahan ako para mamaya, isa pa, hindi alam ni konsehal itong pinasok kong pagmomodelo, ayaw kong malaman niya, pero napakaimposible din niyon, mamaya lang din ay ipagtatapat ko sa kaniya ang pinasok kong ito.
“Oo nga pala, anong oras kaya matatapos ang shoot, Deniel? Uuwi kasi ako ng mansion, kailangan naming na mag-usap ni konsehal.” Sa
