Chapter 53
Ksenia’s POV
“Aalis na po kami, Papa and Mama,” paalam ni Lander sa mga ito. Nuuna akong naglalakad sa kaniya. Patungo kami sa gate.
“Oh, sige... Mag-iingat kayo sa biyahe,” si Tita na nakangiti habang nakakapit sa asawa nito. “Tumawag lang kayo kapag may problema, ha... Mag-enjoy kayo sa pamamasyal. Maraming mga magagandang lugar na alam si Lander doon. Sana mapuntahan ninyo lahat bago lumubog ang araw...”
Wala akong ibang maisukli kundi ang ngumiti lang sa kanila. Ewan ko rin sa sarili ko kung bakit nag-door bell pa ako kanina, eh, may usapan naman kami ni Lander na magkikita sa coffee shop sa may kanto. Hirap na hirap tuloy ako sa pagpapalusot sa kung ano ang namamagitan sa amin ng anak nila.
Sa Papa ni Lander talaga ako lubos na naninibago. Hindi ko ini-expect na ganito
