REIGHN SELESTINE
Masaya kaming sinalubong ng anak namin. Mabuti na lang at nandito siya sa bahay nila mommy kaya hindi siya maboboring dahil makulit ang mga kapatid ko. Laking pasasalamat ko rin dahil hindi siya pinapaiyak ng kambal. Ang lakas pa naman ng dalawa na ‘yon kaya laging magulo ang bahay namin. Nagpasalamat ako kay mommy dahil inaalagaan niya ang anak ko. Nagpaalam na ako sa kanya.
“Kumusta ang baby ko?” malambing na tanong ko sa anak ko.
“Okay na okay po, mommy.” sagot niya sa akin.
“Uwi na tayo,” sabi ko sa kanya.
“Okay po,” sagot niya sa akin at nagpabuhat na siya sa daddy niya.
“Baby, gusto mo bang mamasyal?” tanong bigla ni Vin sa anak namin habang naglalakad kami.
“Yes, daddy.” masaya na sagot ng anak namin sa kanya.
“Okay, mamasyal tayo ngayon.” nakangiti na sabi
