“ANO ‘YAN?” kunot-noong tanong ni Mikaella kay James na ayaw pa ring pakawalan ang kamay niya. Pagkagaling sa exhibit ay sa isang pantalan siya dinala ng binata. Habang nasa biyahe ay walang salitang namutawi sa mga labi nila. Hinayaan lang nila na ang mga mata nila ang mag-usap. They shared knowing glances and heartfelt smiles. At hindi iilang beses na itinabi at inihinto ng binata ang sasakyan nang sa gayon ay makapagsalo sila sa isang mainit na halik.
“Hindi mo ba alam na yate ang tawag diyan?” nakataas ang kilay ngunit nagbibiro na tugon ng binata. Alam naman nito na ang pangalan ng yate ang tinutukoy niya. Pangalan niya ang malinaw na nakaimprinta roon.
Gamit ang libreng palad, pinisil niya ang ilong ni James.
“Aw,” kunwa ay reklamo nito. “Ilang oras pa lang tayong mag
