ALAS diyes ng umaga at nandito ako sa labas ng bahay, sa garden. Nakaupong nakataas pa ang paa sa isa sa upuan sa rounded dining set dito. Nakatulala lang ako sa halaman na kanina pa nilulunod ni Kuya habang ang isip ko rin ay nagpapakalunod kakaisip sa naging resulta ng Operation CCC ko.
"Chrys, alam kong gwapo ako pero 'wag ka namang ma-insecure at kwestyunin ang sarili kung bakit hindi tayo naging magkamukha," aniya na pumukaw sa atensyon ko.
Ano raw?
Kailan pa naging presko si Kuya? Kailan pa siya naging gano’n kadaldal? Ang haba ng sinabi niya ah. Walang sabi-sabing lumapit ako sa kanya at inagaw ang hose ng tubig. Tinapat ko iyon sa kanya kaya nagtatalon siya dahil sa pangbabasa ko.
"What! Anong ginagawa mo, Chrys?!" Weh? Galit na siya niyan?
"Para bumalik ang dati kong Kuya. ‘
