VICTORIA'S POINT OF VIEW
Balik-aral na muli kami matapos ang isang linggo noon. Hindi pa rin namin nasasabi ni Prince ang tungkol sa relasyon namin subalit ginagawa naman ang lahat mapasaya lang ang isa't isa. Alam kong baka may haka-haka na ang iba na kami na pero wala na kaming pakialam.
Buwan na ng Agosto ngayon at nalalapit na rin ang paligsahang isasagawa. Gayundin ang resulta ng ipinasa kong mga tula at song lyrics. Nabasa ko na sa dyaryo kung kailan nila ilalabas ang resulta sa pamamagitan din ng telebisyon at dyaryo.
Sa paligsahan ngayon sa aming eskwelahan ay mayroong pagsulat ng tula saka maikling kuwento. Meron ding pagsulat ng liriko ngunit kailangan mo rin itong awitin base sa naisip mong sariling tono. Maganda rin sana ay ang mananalo, maaaring mai-record talaga ang awiti
