TAMA ang kutob niya. Na-realize iyon ni Wendy pagkatapos pumasok sa silid niya ang dalawang goon na naglantad na ng mukha at mga pangalan. Ang una niyang na-unmask at pikon na pikon na sa kanya ay si Ice. Ang laging nakangisi at mukhang aliw na aliw sa sitwasyon ay si Wynford naman—at tama ang kutob niyang hindi siya kinidnap at dinala sa islang iyon para saktan o kaya ay patayin, bagay na naisip niya noong gabing hinarang sila ng mga armadong lalaki.
Mula nang ilipat siya ng silid, kung saan naroon at naghihintay sa kanya ang mga personal na gamit na kailangan niya, kinutuban na si Wendy na wala talagang balak ang mga ito na saktan siya. Noong una, naisip niyang itinatago lang siya ng sinumang ‘boss’ ng dalawang goon na iyon para mapasunod ang kanyang ama. Pero nang patuloy n
