KUNG posible lang na gawin niyang yelo ang tubig sa shower ay baka ginawa ni Rigorr at sampung beses na niyang ipinaligo sa katawan para parusahan ang sarili.
Nagmumura siya sa ilalim ng shower—pang-apat na ligo na niya sa araw na iyon. Bago siya pumasok sa shower kanina ay tiningnan niya ang oras, lampas alas dose na nang hatinggabi. Sa nararamdaman niya ay hindi pa niya kayang bumalik sa silid kasama si Wendy kaya nagbabad na lang siya sa ilalim ng shower. Ang hirap itaboy sa utak ang mga katatapos lang na eksena.
Napapitlag siya nang may kumalabog sa pinto mayamaya.
“What?” singhal niya.
“Finch!” anang boses na kilalang-kilala niya. “Iniisip yata ng prinsesa ni Mayor Willard na tinuluyan ka na namin. Umiiyak ang brat. Sinubukan kong ka
