Isang tawag mula sa istasyon ng Pulis ang natanggap ni Angela ng tanghaling iyon. “Hello ito po ba si Ms. Angela Valmonte?” tanong sa kanya ng caller. “Opo, sino po sila”, sagot naman ng dalaga.
“I’m Chief Rolando Sevilla from QCPD Station 3, nasa kamay na namin ang salarin sa pagpaslang sa iyong ina Ms. Valmonte, hihintayin po namin kayo para makapag-file na kayo ng complain sa suspect”, paliwanag ng pulis.
Halos maluha si Angela sa natanggap na balita, matapos ag halos 1 taon ay nakuha na din ng kanyang Mama ang hustisya sa pagkamatay nito. “M-maraming salamat po Sir, sige po papunta na po ako dyan”. Nagmamadaling nagbihis si Angela at agad pumunta sa binanggit na Police Station, tinawagan nya ang kaibigang si Trisha at nagpasama sya dito, nanginginig kasi ang pakiramdam niy
