"Ma'am ano pong gamit ninyong pampaganda?" tila wala sa sariling tanong ni Mercy habang nakatitig sa kanya.
Nililinis nilang dalawa ang paligid ng dampa.Ikatlong araw na nila iyon sa safehouse. Araw-araw ay bumibista ang mga magulang ni Mercy sa kanila, at dahil weekend ngayon si Mercy naman ang inutusan ng mga ito para samahan siya sa paglilinis. Pano naman kasi napakasukal, kaya pinamamahayan ng mga ahas. Maganda nga na naitatago ng mga ligaw na halaman ang dampa, pero siyempre mas mabuti din kung ligtas ang pansamantalang tirahan nila ng ogre.
Speaking of the ogre, wala na naman ito.
Nagpaalamm ito kanina matapos nilang muling umusbong mula sa kailaliman ng lupa (bunker), na may pupuntahan daw ito sandali.
Hindi na siya nagtanong. Mas mabuti kasi na di muna sila nagkakalapit nito da
