Dali dali akong lumapit sa kanya upang tignan ang kaniyang lagay. Dahil sa aking pagmamadali at pagtakbo patungo sa kanya, nabitawan ko ang hawak kong payong kaya tuluyan na akong nabasa.
Hindi ko na ininda ang basang basa kong katawan dahil ang gusto ko ay makita kung ano ang kalagayan ni Juancho roon
"Juancho, anong nangyari sayo?" nag- aalala kong sabi, habang aligagang tinitignan ang kalagayan niya.
Ang kaniyang labi ay halos kulay lila na dahil sa sobrang panlalamig, at ang panginginig nito ay hindi na niya makontrol. Yakap yakap niya ang kaniyang sarili, at nakatilop ang mga tuhod.
Kahit na umuulan, kita ko rin ang pagtulo ng kaniyang mga luha patungo sa kaniyang pisngi. Nakatingin lamang ito sa akin, at alam kong gusto niyang magsalita ngunit hindi niya magawa.
Kahit na may kab
