HINDI umuwi si Mikael kagabi. Tinatawagan ko rin ay hindi niya sinasagot. Masama pa rin siguro ang loob niya sa pag-open ko sa kaniya ng saloobin ko tungkol sa wedding planning namin.
Dahil na rin sa hindi ko siya makontak ay nagdesisyon akong pumasyal kay Jenna kasama ang kambal, matagal-tagal na rin kaming hindi nagkakausap at aminado rin akong gusto ko hingiin ang opinyon niya.
Pagdating ko sa kanila ay magkahalong saya at lungkot ang isinalubong niya sa amin ng kambal.
"Aurora, anong nangyari? Bakit mugto ang mga mata mo? Nag-away ba kayo ni Mikael?"
Awtomatikong nagtubig ang mga mata ko nang sabihin yo'n ni Jenna, "Oo, kaya nga ako nandito. Kailangan ko ng kausap."
Inaalalayan niya ako paupo at dinala sa kwarto niya ang kambal at binigyan ng pagkakaabalahan. Pagbalik niya ay m
