Hinabol niya si Robb nang lumabas ito sa kanilang classroom matapos tumunog ang bell, hudyat na tapos na ang klase.
“Sandali lang, Robb,” sambit niya. Hawak niya ang papel na kanina lang ay ginamit nila sa kanilang activity. Tumigil siya sa pagtakbo nang makita niyang lumingon si Robb. Isang dipa lamang ang pagitan nilang dalawa.
Kunot ang noo nito habang nakatingin sa kanya. Waring hinihintay nito ang kanyang sasabihin.
“Puwede ba tayong mag-usap?” lakas loob na tanong niya rito. Malakas ang kabog ng kanyang dibdib habang nakatingin kay Robb at hinihintay ang magiging sagot nito.
“Bakit?” Iyon ang tanging naging sagot nito.
“Puwede ba?” tanong ulit niya.
Tumango naman ito. Sinabayan niya ito maglakad at nagtungo silang dalawa sa pavilion. Magkatabi silang naupo roon. Matagal na kata
