“Bakit ko ba inisip na talagang gusto niya ako? Bakit ba sa lahat ng lalaki, siya pa ang nagustuhan ko? Totoo, ambisyosa nga ako. Inambisyon ko ang isang Robb na kahit kailan hindi ako seseryosohin. Nagawa niya nga akong pagpustahan dati, bakit hindi niya ulit iyon gagawin ngayon, hindi ba? Isa lang naman ang gusto niya, iyon ay ang saktan ako. Pero bakit ako?”
Iyon ang mga katanungang naglalaro sa isip ni Kate habang nakasubsob ang mukha sa palad at humahagulgol sa hidden pavilion kung saan siya tumakbo matapos ang kanilang huling klase sa tanghaling iyon. Ni hindi na niya nagawang kumain ng tanghalian. Kung puwede nga lang na hindi na siya pumasok sa susunod nilang klase sa hapon ay ginawa na niya. Ayaw na sana niyang makita pa si Robb. Nasasaktan lang siya.
“Bakit ako pa ang napili n
