“WE NEVER did this before,” sabi ni Phylbert kay Jace habang naglalakad sila sa dalampasigan. Malapit nang lumubog ang araw. She was enjoying the beach. Pagdating nila roon kanina ay kaagad silang naglunoy sa tubig. Nakabili sila ng swimwear at mga damit na pamalit sa nadaanan nilang mall. Kumuha sila ng isang cottage na may dalawang silid sa beach resort na pinuntahan nila. “Palagi kitang kinukulit n’on na mamasyal sa beach pero lagi kang busy.”
Napabuntong-hininga ito. “Napakarami kong bagay na pinagsisisihan, Phylbie. Napakaraming bagay na sana ay nagawa ko noon pero masyado akong tanga para hindi ma-realize kaagad ang mga bagay na talagang gusto ko.”
Her brows knitted together. “Hindi ka naman masyadong bitter niyan.”
Muling bumuntong-hininga si Jace. Kanina pa ito ganoon. Tila mala
