TINITIGAN ni Phylbert si Papa Jesus na nakapako sa krus. Kagaya ng nakaraang dalawang araw, nanatili siya sa loob ng chapel ng ospital. Hinayaan siya ng pamilya niya na doon maglagi habang hindi pa oras ng test niya o ng pag-inom niya ng gamot. Sa loob ng dalawang araw, naiproseso na niya sa kanyang isip ang kanyang mga nalaman, ang sitwasyon. Masasabi niyang kahit paano ay natanggap na niya ang ilang mga bagay-bagay.
She was moving on. She would fight back.
“H-hi.”
Napangiti siya nang marinig ang pamilyar na tinig ni Jace. Iniwasan niyang makaramdam ng kahit na anong negatibong emosyon. Itinulak niya palayo ang lungkot at nilabanan niya ang galit. Nasasaktan siya ngunit kinonsola niya ang kanyang sarili na balang-araw ay gagaling din siya. Ayaw niya na pati ito ay masaktan. Kung lilisa
