Chapter 49
NAGPAHINGA na muna sila saglit dahil sa napagod sila sa mahabang nilakbay. Malapit na sila at tanaw na ang bundok Hilaya. Sadyang kailangan lang nila ng kaunting lakas para magpatuloy sa paglalakad muli mamaya. Hindi talaga napigilan ni Asula ang magtanong sa dalawa, kina Sona at Lutano, inuusig kasi siya ng kanyang curiosity. Kahit anong gawin niya ay hindi talaga siya mapakali hangga’t hindi niya iyon nilalabas. Huminga siya muna nang malalim saka sinimulan na ang balak.
“Magkakilala na kayong dalawa?” nakatingin niyang tanong sa dalawa, na napalingon sakanya.
Sumalubong ang kilay ni Sona at napatingin ito kay Lutano, mukhang humihingi rin ng tulong sa lalaki.
Naramdaman ni Asula na hinawakan ni Wave ang kanyang kamay. Parang pinaparating nito na hindi na niya kailangan
