Chapter 54
Hindi nila alam ang gagawin. Napaatras sila nang biglang mawasak ang barrier sa bundok ng mga pagkamatay at pagkabuhay. Hinang-hina na si Palu dahil sa hinaba ng tinakbo nila ni Lupa. Maging ang kanyang anak ay nanghihina na rin. Naguguluhan na sa mga nangyayari sa kanilang paligid. Kung ganoon, kailangan nilang umisip ng paraan kung paano matatakasan ang nilalang.
Narinig ni Palu ang pag-iyak ng kanyang anak, dahilan para yakapin niya ito at patahanin. Hindi sila pwedeng marinig ng nilalang. Kailangan nilang paniwalain ito na nawala na sila.
“Tahimik na, anak. Hindi tayo pwedeng makita ng nilalang. Baka kung ano ang gawin nila sa atin.”
Kahit na umiiyak pa rin si Lupa ay pinilit nitong tumahimik kahit na natatakot siya. Tumango siya at kumapit sa damit ng kanyang ina. Daha
