“Bakit naman kasi hindi ka nagtatanong sa akin! Paano ‘yan kung preggers ka?” Panenermon ni Dylan kay Blue. “Wait, sinubukan mo na bang gumamit ng pregnancy test?”
“Hindi pa…” kagat ang ibabang labi na tugon niya. “Ang gusto ni Frost magpunta kami ng doctor para masigurado kung meron nga…”
Kasalukuyang nandito sa cake shop nila si Blueberly. Dumaan lang talaga siya para kausapin ‘yong mga taong tinakbuhan ng tatay niya, na hindi malaman ni Blue kung nasaang lupalop na ba ng mundo.
Hindi man lang magawang magparamdam sa kaniya ng Papa niya. Hindi ba nito iniisip ang kalagayan niya na siya ang ginugulo ng mga tinakbuhan nito?
Ikinuwento niya rin kay Dylan ang napag-usapan nila ni Frost nung nakaraang gabi. Pinipilit pa rin nitong magpakasal na sila kahit sa civil lang.
Litong-lito tu
