PUMARADA ang sinasakyan nilang BMW sa parking sa basement ng condominium ni Paige at sabay na bumaba si Blue at Momshie Claudine.
Panay ang rant ni Mamshie habang nasa elevator sila hanggang sa makarating sa loob ng unit.
“Diyos ko.. hindi ko na alam anong nangyayayari sa batang ‘yon! Na-stress na naman tuloy si Madam.”
“A-Ano ba ang nangyari, Mamshie?” Pasimpleng tanong ni Blue na sumunod rito papasok sa loob.
Sumalubong sa kaniya ang pamilyar at mabangong amoy air freshener. Inilibot niya ang paningin sa paligid. Wala namang nagbaga sa mga kagamitan mula noong huling beses na tumuntong siya roon.
Napansin lang niya ang isang malaking bouquet na nakapatong sa may counter top. Alam na kaagad ni Blue kung kanino ‘yon galing. Parang kinutkot ang kaniyang dibdib nang makitang nalalant
