HINDI na nagtaka si Blue na makita si Jenna rito. Isa kasi ang babaeng ‘to sa malaki ang donasyon noong gala night. At wala rin ata itong pinalalampas na gathering kung nasaan si Frost.
Masyadong halatado ang paghahabol kay Frost.
“What can I do for you, Madam?” Pinilit ni Blue na ngumiti kahit ang totoo ay gusto niya itong irapan. “Gusto niyo po ng cupcake? Best seller po namin itong red velvet!“
Kinuha niya ang isang cupcake sa cupcake stand at iniabot ‘yon ay Jenna na hinablot naman ng bruha.
Nanlaki na lang ang mga mata ni Blue nang ibagsak nito ang cupcake sa sahig sabay tinapak-tapakan.
“Sorry, hindi ako mahilig sa cupcake. And sweets can make you fat,” nang-iinis na tugon nito at ngumisi habang pinapasadahan siya ng tingin mula ulo ang hanggang paa. “No wonder… mukha kang…”
