Inilibot ni Blue ang paningin sa paligid nang dalhin sila ng maid sa salas. Ngayon lang siya nakapasok sa ganitong mansyon na limang beses ang laki sa unit ni Paige. Lahat ng kagamitan halatang mamahalin at metikulosang pinili.
Napatayo si Blue sa pagkakaupo mula sa couch nang tapikin siya si Mamshie Claudine na kasabay rin niyang tumayo. Nakita niyang bumababa sa grand staircase si Madam suot ang pulang satin robe, hawak ang isang kopita.
“Madam, good evening po,” bati ni Mamshie Claudine nang huminto ito sa harapan nila.
“Anong ginagawa niyo rito? Hindi ba sinabi ko sa ‘yo, Claudine, kung may problema ay tawagan mo na lang ako.” Bumaling ito sa kaniya at sinuyod siya ng tingin mula ulo hanggang paa. “Isinama pa itong si babae.”
Hindi nakaligtas kay Blue ang ginamit nitong pagtukoy
