Gaya ng payo ni Erica, nagpaalam ako sa visor namin na hindi na muna ako papasok sa trabaho ngayon dahil kailangan kong magpa-check na sa doktor.
Kailangan ko ng agapan ng maaga kung ano nga ba ang mali sa katawan ko dahil sa kung anong mga kakaibang nararamdaman ko.
Pero hindi ko sinabi kay Light ang tungkol sa pag-leave ko sa trabaho para magpunta ng ospital.
Baka kasi hindi pumasok ang anak ko at samahan na lang ako na magpatingin sa doktor.
Alam kong mahalaga ang bawat araw ng anak ko sa school. At saka kung sakaling ipilit ko na huwag niya na akong samahan at pumasok sa paaralan ay iisipin niya rin kung ano na ang nangyari sa akin. Hindi rin siya mapopokus sa lesson na dinidiscuss ng kanyang teacher. Kaya mas pinili ko na wala akong sabihin.
Nakabihis na ako at handa ng umalis n
