Hindi na pumayag si Dark Lee na magtagal pa kami sa loon ng ospital.
Dahil nga alam niya na ang katotohanan sa kalagayan ko ay wala na rin akong magawa kung hindi ang magpahatid na sa kanya sa bahay.
Mahirap na at baka himatayin na naman siya.
Baka may sakit sa puso itong si Dark Lee kaya ganito siya madaling mawalan ng malay?
Hindi rin.
Kasi kung meron siyang sakit sa puso ay hindi siya magiging si Dark Lee na walang sinasanto at walang kinatatakutan.
At kung may sakit siya sa puso ay matagal na siyang patay.
"Sigurado ka ba na okay ka lang? Baka ayaw mo lang magpatingin sa doktor? Baka natatakot ka lang na malaman na may sakit ka?" usisa ko pa habang nakasakay na kami ng kanyang sasakyan pauwi na sa bahay ko.
"Wala akong sakit. Sigurado akong wala akong sakit at malusog ang kataw
