Sa bawat tunog ng pag-apak ni Drake sa mga tiles sa sahig ng ospital ay siya namang bigat ng mga yabag niya. Siya ring pagbilis ng bawat pagtibok ng kanyang puso. Hindi niya mawari kung bakit pagtungtong pa lamang niya sa ospital ay kakaiba na ang naramdaman niya. Tila may humawak sa mga kamay niya habang naglalakad siya dahil sa lamig ng bawat pagdampi ng hangin sa balat niya.
Napahaplos siya sa kanyang braso. Naisip niya dala na rin marahil ng fully airconditioned hospital. Nang maaninag niya ang tapat ng kwarto ni Portia ay nakita niyang kalalabas lamang ng doktor. Umiiling habang pahakbang palayo sa silid kung saan naroon ang kanyang asawa. Habang naglalakad siya ay pabigat ng pabigat ang mga hakbang niya.
Tila ayaw ng mga paa niya na lumapit sa silid nang dahil sa kung anong pakiram
