Nag-uunahan sa pagtibok ang puso ni Drake habang papalapit nang papalapit sa kwarto na kinaroroonan ng asawa. Akmang bubuksan na niya ang pinto nang kusa itong bumukas. Bumungad ang pigura ng isang taong pamilyar sa kanya. Nanlilisik ang mga mata na tila ano mang oras ay maari siyang sakmalin.
"Ano na namang ginagawa mo?" matalim ang titig ng mga matang tanong ng kaharap.
"Hindi mo ba titigilan si ate?" saad muli ni Presto nang makilala ang lalaking nasa labas ng pinto ng silid ng ate niya. Sobrang mahal niya ang ate niya at siya ang saksi ng lahat ng sakit na dulot ng lalaking ito. Makailang beses na ba niyang nakitang umiyak ang kanyang ate?
Maraming beses na. Simula pa lamang nang mahulog ang loob ng ate niya sa lalaking kaharap noong magkaibigan pa lamang ang mga ito. Hanggang sa na
