"So, ibig sabihin ay natulog ka sa bahay ng mga in-laws mo?" malakas ang boses na tanong ni Sabina. Kasunod n'ya si Letti na nagtatanggal ng hikaw.
Kararating lang nila mula sa San Sebastian at hindi pa nga sila nakakapagpalit ng damit pero narito na sila sa kuwarto ko at kumakalap ng tsismis.
Tinakpan ko ang mga tainga ko. Kanina pa sila tanong nang tanong at kanina ko pa rin sila hindi sinasagot.
"Hoy, Gabriella!"Namaywang si Letti. "Hindi ka ba talaga magkukuwento sa amin? Ni hindi nga namin nalaman na nagpunta rito ang nanay mo samantalang nasa kabilang bahay lang kami! Ni hindi ka namin nadamayan kung kailan mo kami kailangan tapos ngayon ay hindi ka magkukuwento?"
Nangingiting tiningnan ko ang dalawang kaibigan.
"Anong nginingiti-ngiti mo riyan?" mataray na tanong pa si Sab. "S
