"Okay ka lang ba talaga?" muli kong tanong kay Markiel. Hindi talaga mawala ang pag-aalala ko.
Tinapik n'ya ang balikat na may nakalagay na cold compress. "Narinig mo naman ang sinabi ng school's nurse, hindi ba? Medyo namula lang at namaga nang kaunti pero wala naman akong nakuhang injury. Nabigla lang talaga ang muscles ko."
Lumabi ako. Kinuha ko ang ice pack na hawak n'ya at ako na ang nagdampi niyon sa balikat n’ya. "Kahit na. Mas mabuti kung magpapatingin ka pa rin sa doktor. Sa leather gawa 'yong bola at mabigat 'yon! Mas mabigat nga 'yon kaysa karaniwang basketball!"
Napangiwi s'ya sa lakas ng boses ko. Humiga s'ya sa patient’s bed at inilagay ang isang braso sa noo. "Mabuti na rin ito, makakatulog ako rito kahit sandali."
Inis na idinampi ko sa mukha n'ya ang ice pack. "Hindi m
