“Ang sakit ng ulo ko…”
Kaagad na tiningala ko ang nagsalita. Napataas pa ang kilay ko nang makitang si Macky ang bumababa ng hagdan. Mukhang s’ya na naman ang unang nagising na lagi namang nangyayari.
“Good morning, Gabriella,” kaagad na bati n’ya sa akin nang makita ako. Ginulo n’ya ang dati na ay magulong buhok. “Alas siyete pa lang pero gising ka na. Anong meron?”
Kunwaring tinakpan ko ang ilong ko. “Ang baho naman ng hininga mo! Umabot na rito, nag-toothbrush ka ba muna?”
Hindi makapaniwalang lumapit sa akin ang lalaki. Inilapit pa n’ya ang kamay sa bibig at hiningahan iyon. “Hoy! Hindi ako bad breath!”
Natatawang umiling ako. Itinuro ko ang counter. “Mabuti pa ay tulungan mo na akong maghanda ng almusal. Alam ko namang iyon ang dahilan kung bakit ang aga mong gumising.”
Macky sm
