NASA picnic ground sina Riexen at ang tiyahin niya malapit sa Lake Geneva. Isa itong picnic park na madalas tambayan ng mga naroroon lalo na kapag tuwing summer at maganda ang panahon. Sa pitong taon ba naman na pananatili niya sa Switzerland ay kabisado na niya ang lugar at napamahal na siya rito. Dito na siya bumuo ng kaniyang pangarap at nagkaroon ng sariling ospital nang dahil na rin sa tulong ng kaniyang tiyahin. Mula noong isilang niya ang anak nila ni Rendell ay nahirapan siya subalit kalaunan ay naging swerte rin ito nang makakuha siya ng mga opportunities sa bansang iyon at nagamit ang kaniyang propesyon. At ngayon ay kasa-kasama na niya ang anak niya habang ito ay lumalaki.
“You’re lucky to have your son, Riex. Masayahing bata si Izen,” sambit ng kaniyang tiyahin.
Nakaupo sil
