"Loko ka! Hindi mo man lang kami in-invite sa kasal mo," wika ni Chris nang magkita kami sa bar ni Marko.
Nagpapasalamat ako at maayos na ang lagay ni Trevor. Nagpapagaling na siya sa sugat na natamo niya.
"Sagabal lang kayo sa kasal ko. Baka magkalat pa kayo ng kamalasan doon," biro na sabi ko.
"We are so happy sa wakas nahanap mo na ang babaeng nagpasaya sa iyo at nagmamahal ng totoo." Sabi ni Chris.
Napangiti ako sa kaniyang sinabi. Napakasuwerte ko dahil si Carmen ang pinili ng aking puso. Siya ng nagpasaya sa madilim kong buhay. Siya rin ang nagbigay ng pagkakataon upang umibig muli ako. Sobrang mahal na mahal ko si Carmen.
Tinapik ni Marko ang aking balikat. “Masuwerte ka kay Carmen dahil mabuting babae siya. Mahalin mo siya at huwag mong paiiyakin." Bilin niya sa akin.
