Sa likod ng maiingay na tawanan at hiyawan ng mga kalalakihan, isang pares ng matatalim na mga mata ang tahimik na nagmamasid sa bintana mula sa madilim na VIP Room sa itaas na bahagi. Isang lalaking may malamig ngunit mabangis na presensya ang dahan-dahang bumuga ng usok mula sa kanyang sigarilyo. Hindi kumukurap ang kanyang mga mata habang mapanuri niyang pinagmamasdan si Zhoey. Ang kakaibang aura ng dalaga ay hindi nakaligtas sa kanya. Bawat galaw ni Zhoey—ang tapang, liksi, diskarte, at pambihirang kakayahan sa pakikipaglaban—ay nag-iwan ng matinding hamon sa kanya.
"Hindi ko pa nakikita ang ganitong klaseng abilidad sa isang babae," tagis-ngipin niyang bulong sa sarili, habang nananatiling nakatuon ang tingin sa dalaga. Bagamat hindi niya karaniwang kagawian ang lumaban sa babae, sa
