Nang mawalan ng malay si Zaira, agad na pumalit si Zarah sa katawan nito tulad noon. Oras na humawak ng kahit na anong weapon si Zaira, pumapalit agad si Zarah.
"Paano?" sambit ng bampira habang nakatingin sa espada na hawak niya.
"Paano ba yan? May espada na ako," sabi ni Zarah sabay turo sa bampira gamit ang espada.
"Isa kang Alter."
Inatake ni Zarah ang bampira, wala siyang balak makinig sa sasabihin nito dahil ang gusto lang niya ay patayin ito. Minsan lang siya makalaya kaya mas mabuting sulitin niya ito.
Umiwas lang ito sa kanyang atake at hirap siya masundan dahil sa bilis nitong gumalaw. Pero hindi niya pa rin ito tinigilan, pinakiramdaman niya ang palid upang masundan ito at bawat hakbang nito naririnig niya kaya nagagawa niya pa rin malaman kung saan ito kahit na hindi niya
