"Ehem."
Agad na napabitaw si Zaira nang marinig niya ang kuya niya. Binalik ni Blaize ang tingin niya sa pwesto ni Magnus subalit wala ito. Sinubukan niya itong hanapin sa paligid.
"Wala na si Magnus," sabi ni Levi kay Blaize.
Tumigil na ito sa paghahanap.
"Balik na tayo sa party," sabi ni Asher.
"Teka! Yung kwintas ko binato ni Magnus kanina," sabi ni Zaira sabay hanap sa kwintas pero dahil madilim hindi niya ito makita.
"Bukas mo na lang hanapin," sabi ni Levi.
Umiling si Zaira bilang tugon saka muling naghanap.
"Delikado kung magtatagal pa tayo dito," paalala ni Levi.
"Pero mahalaga yun sa akin," malungkot na sabi ni Zaira.
"Sumunod ka na lang. Mas mahalaga ang buhay mo kaysa sa kwintas," sabi ni Asher saka siya nito hinawakan sa balikat at itinulak para umalis.
Nagpadala na
