MARIIN akong nakatitig kay Kathlene mula sa beranda ng aking silid. Kasalukuyan itong nag-aayos ng mga bulaklak sa maliit na garden ng aking ina. At sa puntong iyon ay lalo lamang akong nilalamon ng matinding galit para dito dahil maging ang mga bulaklak ng aking ina ay nagawa na rin nitong pakialaman na animo'y ito na ang may karapatan. Lalo na ang tagpong nakita ko kanina bago umalis ang aking ama. Huminto pa ang sasakyan nito sa tapat ni Kathlene at sandaling nagtitigan.
Hindi mawala sa isip ko ang pangyayaring nagsaksihan ko kagabi sa loob ng library ng aking ama. Kahit ang maayos na pagtulog ay hindi ko na nagawa pa. At ngayon, hindi ko na palalampasin pa ang araw na ito. Kikilos ako sa paraan na gusto ko mapaalis ko lamang ito rito. Kung kinakailangan takutin o hamunin ko ang aking
