"Okay ka pa ba sa lagay na iyan, Nurse Angelica Renzal?"
Agad akong napaayos ng upo at muling nagpatuloy sa ginagawa. Aaminin kong hindi ako makapagpokus sa aking trabaho dahil hanggang ngayon ay hindi pa rin mawala sa isip ko ang nangyari sa pagitan namin ni Von. Dalawang araw na rin ang lumipas ngunit tila kanina lamang nangyari dahil hanggang ngayon ay para bang nararamdaman ko pa rin sa aking buong sistema ang bawat haplos nito sa akin katawan. At kung paano nito ipinalasap sa akin ang sarap na noon ko lamang naramdaman at naranasan.
Hindi ko pa man tuluyang naranasan sa mga kamay ni Von ang maging isang ganap na babae ngunit para sa akin ay masasabi kong sapat na ang ginawa nito upang masabi kong naabot ko na rin ang hangganan, lalo na sa respetong ibinigay nito sa akin. Hindi nito
