NAALIMPUNGATAN ako sa sunod-sunod na pagkatok sa pinto ng aking silid. Alas sais na ng umaga nang makita ko ang oras. Bumangon ako upang buksan pinto. Dama ko ang bigat ng aking pakiramdam. Masakit ang ulo dahil na rin sa ubo at sipon. At kung wala nga lamang kumatok sa aking silid ay wala pa rin talaga akong planong bumangon.
Pagbukas ko ng pinto ay bumungad sa akin ang nakangiting si Elsa. "Hi, Maam Miracle! Good morning po."
Ngumiti ako at bahagyang tumango. "Good morning din. May kailangan ka ba?"
"A, pasensya na po kung naabala ko po ang pagtulog mo. Ipinatatawag po kasi kayo ni Sir Marcuz. Sabay daw po kayong mag-breakfast ngayong umaga."
Nanlaki ang aking mga mata kasabay ng pag-awang ng aking bibig dahil sa aking narinig. "H-Ha? A-Ano? S-Sabay raw kami? P-Pero, bakit daw? Hind
