CHAPTER 53
ROSE POV:
It's another day. Pero sa pagsapit ng bagong umaga ay hindi ko makausap si Jack. Para bang nawala ang kanyang mood at tila pati ako ay ayaw niyang kausapin.
Ni hindi ko nga siya magawang lapitan dahil kakaiba ang ekspresyon ng mukha niya. Matapos siguro nang rebelasyon na naganap sa kanila ay parang gustong mapag-isa ni Jack.
Kaya hindi ko muna siya nagawang kulitin dahil kahit ako rin naman ang nasa kalagayan niya ay gano'n ang aking mararamdaman. Mahirap mawalan ng minamahal sa buhay. Si nanay nga, noong lumalaban sa cancer ay gabi-gabi na lamang ako umiiyak. Sa kanya pa kaya na mismong pinatay ang kanyang ina, na siyang utos pala mismo ng kanyang sariling ama.
Hindi ko rin kayang tanggapin na gano'n ang sinapit ng minamahal kong tao. Nasasaktan ako para kay Ja
