ANALYN’s POV
May nahanap ng paaralan si Shador. Ito ang message niya sa akin kanina. Sasamahan daw niya ako sa makalawa sa pagpunta sa school.
Naipadala na nila Inay at Itay ang mga dokumento na kakailanganin ko. Excited din sila para sa akin. Kahit ako ay excited na ring bumalik ng paaralan. Iba nga lang dito sa Manila. Naririnig ko kasi noon na maraming maaarte at mayayabang sa mga university kapag hindi ka in sa kanila. Medyo pumapayat na ako dahil nagbabawas na ako ng pagkain. Hindi ko lang alam kung napapansin nila. Lagi akong nagtitimbang at excited na akong magpapayat.
Tinawagan ako ni Shadie kanina at niyayaya niya ako na lumabas daw kaming dalawa. Nag-paalam ako kay Shador at pumayag naman ito. Kasabay nito na sinabi nga niya sa akin na may school na siyang nakita para sa ku
