ANALYN’s POV
Niyaya ko na rin si Faith sumama sa amin nina Lea. Iniisip ko baka abangan pa siya ni Owen, magbago ang isipan ng kaibigan ko. Minsan ang mga babae ay tulak ng bibig, kabig ng dibdib. Hindi naman agad mawawala ang pagmamahal niya sa boyfriend niya lalo na’t nakita ko na inlove talaga siya noon sa binata. Baka kaunting lambutsing lang ay bumigay na agad at ang pinakakakatakutan ko ay ibigay ang gusto ng lalaking manloloko na iyon.
Tinawagan ko ang Mommy niya at ipinagpaalam ko siya. Minsan ko na itong nakilala nang mag-video call sila ni Faith. At sa tuwing nag-uusap sila ay kinukumusta niya ako sa kaibigan ko. Sinabi ko rin na ihahatid namin si Faith after namin mag-malling. Okay na rin para maaliw si Faith.
“Pinayagan ka na ni Tita Love, kaya wala ka nang dahilan para hin
