Nagising siya dahil sa marahang pag yugyog ng kung sino man.
Hindi niya maimulat ang mga mata dahil sa antok pa ring nararamdaman. Kung anong oras na rin kasi siyang nakatulog dahil sa kung ano anong iniisip. Palaging pumapasok sa utak niya ang imahe ni Eliot na ngiting ngiti sa kaniya. Siya naman ay walang ibang ginawa kung hindi titigan ang mukha nitong sobrang guwapo at ang nakakahawa nitong mga ngiti.
Muli niyang naramdaman ang pagyugyog sa kaniya. Dahan dahan niyang iminulat ang mga mata. Una niyang nakita ang bulto ng isang lalaki. Napatayo siyang bigla na naging sanhi ng pag umpog ng ulo niya sa ulo ng lalaking nasa harapan niya.
" Aray." Hinimas himas niya ang parte ng noo niya kung saan nararamdaman niya ang kirot mula sa pagkakauntog. Ano ba naman kasi yung nauntu
