[Continuation...]
Kuwestyunableng nakatingin pabalik ang lalaki dahil sa mga huling salitang sinabi ni Nick. Saka ito napatingin kina Calvin at Bogs na kapareho ng year ng mga ito.
Tumayo naman ang dalawa at lumapit kay Marco.
"Pare, labas na muna tayo," panimula ni Calvin na hinawakan ang braso nito.
"Oo nga. Bakit ba 'di ka namin nakita? Nagsuot ka ba sa ilalim ng table?" wika ni Bogs na hinawakan naman ito sa kabila.
Nagpumiglas ang lalaki. "Sandali. Anong sinasabi niya? Killer Society?"
"Ha? Wala naman siyang sinasabing ganoon, ah?" Napatawa si Bogs. "Mayroon ba?" Siniko nito si Calvin na napahawak naman sa tagiliran at biglang napangiwi.
"Wala akong narinig. Ang sabi niya, Killer Sausage. Naghahanap siya sa online, kasi nagugutom na si Bogs," pagdadahilan nito.
"I'm sure tungk
